ترکی میں ناکام بغاوت کے بعد ہونے والی پکڑ دھکڑ کے سلسلے میں گوکہان کو 23جولائی 2016 کو حراست میں لیا گیا۔ اگرچہ وہ شوگر کے مرض میں مبتلا تھا اسے چھ دن تک دواوٗں سے محروم رکھا گیا۔ 13 دن بعد 5 اگست کو اس کا حراست کے دوران انتقال ہو گیا۔

مصطفیٰ ان 45 ہزار لوگوں میں سے ہےجنھیں ناکام بغاوت کے بعد بڑے پیمانے پر ہونے والی پکڑ دھکڑ کے نتیجے میں گرفتار کیا گیا۔ اسے اسکندرون کے قید خانے میں لے جایا گیا۔  مصطفیٰ جو پہلے ہی شوگر کا مریض تھا شدید دباو اور صدمے کے باعث دل کا دورہ پڑنے سے انتقال کر گیا۔

12 سالہ فرقان اس وقت برین کینسر کے ہاتھوں انتقال کر گیا جب ترک بارڈر ایجنٹس نے اس کے اور اس کے والدین کے پاسپورٹس استنبول اتا ترک ایر پورٹ پر ضبط کر لیے اور اس وجہ سے انھیں کیوبا میں اپنے بچے کے کینسر کے علاج کے ارادے کو ترک کرنا پڑا۔

83 سالہ حاجی عیسیٰ سیزیک کو مسلح تنطیم کا ممبر ہونے کے الزام کے تحت 3 جنوری 2017 کو گرفتار کیا گیا۔ انہیں ان کے 29 سالہ پوتے سلیمان سیزیک کے ساتھ ایک ہی کوٹھڑی میں رکھا گیا ہے۔

سابقہ بم ڈسپوزل ماہر بلال کوناکجی جو ایک بم ناکارہ بنانے کی کوشش کے دوران اپنا دایاں بازو اور دونوں آنکھیں کھو بیٹھے تھے انھیں 20 دسمر 2016 کو گولن تحریک سے تعلق کے شبے میں حراست میں لے لیا گیا۔

23 جنوری 2016 کو سوشل میڈیا پر ایک ویڈیو شیٗر کی گئی جس میں پانچ بچوں کو انقرہ کے سنجان کے قید خانے کے سامنے تنہا روتے دکھایا گیا جب ان کی ماں کو اس وقت گرفتار کر لیا گیا جب وہ جیل میں اپنے والد سے ملنے آئے تھے۔