នៅសល់តែប៉ុន្មានថ្ងៃទៀតប៉ុណ្ណោះដែលអ្ន​កម្តាយមកពីខេត្ត Kayseri នឹងត្រូវឆ្លងទន្លេ ប៉ុន្តែនាងត្រូវ​បានចាប់ឃុំខ្លួនទោះបីទារករបស់នាងអាចប្រឈមមុខនឹងជំងឺបេះដូងនិងតម្រងនោម ដែលត្រូវការការមើលថែពីគ្រូពេទ្យដឹតដល់ក៏ដោយ។

 

អ្នកស្រីមានឈ្មោះថា Şule Gümüşoluk ដែលកំពុងស្ថិតក្រោមការឃុំខ្លួនបណ្តោះអាសន្នរង់ចាំការកាត់ក្តី នៅក្នុងគុកKayseri។ តាមរយៈបទសំភាសជាមួយមេធាវីរបស់អ្នកស្រី គឺ លោក Mehmet Fatih Öztürk បានអោយដឹងថា៖

 

«យោងតាមឯកសារពេទ្យដែលយើងមាន ទារកក្នុងផ្ទៃប្រឈមមុខនឹងជំងឺ បេះដូង និង តម្រងនោម។ បេះដូងរបស់ទារកក្នុងផ្ទៃមានប្រហោង ចំណែកតម្រងនោមវិញរីកធំជ្រុល ខុសពីធម្មតា។ គ្រូពេទ្យបាន ប្រាប់ទៅអ្នកស្រីថា ទារកនេះត្រូវការការថែទាំដោយគ្រូពេទ្យជំនាញដោយបន្ទាន់។ ប្រសិនបើនាងមិនត្រូវបានឃុំខ្លួន ទារកក្នុងផ្ទៃនឹងទទួលបានការព្យាបាលតាំងពីមិនទាន់កើតម្ល៉េះ។»

 

មេធាវីរូបនេះបន្តទៀតថា ការឃុំខ្លួនអ្នកស្រី Sule​ មិនត្រឹងប្រឆាំងនឹងសិទ្ធិកុមារទេ វាប្រឆាំងនឹង ច្បាប់របស់ប្រទេសតួកគីទៀតផង។

 

«រឿងជាច្រើនដែលអ្នកសឹងមិនចង់ជឿ បានកើតឡើងខណៈពេលដែលរដ្ឋាភិបាល ដាក់ប្រទេសស្ថិតក្រោមភាពអាសន្ន ក្រោយការធ្វើរដ្ឋប្រហារ» មេធាវី  Mehmet Fatih Öztürk បាននិយាយបន្ថែម។

 

ក្រោយពីថ្ងៃទី ១៥ ខែកក្កដា ឆ្នាំ ២០១៦ ប្រទេសតួកគីបានចាប់ខ្លួនមនុស្ស ១២០,០០០ នាក់ បណ្តោះអាសន្ន និង ចាប់ឃុំខ្លួនមនុស្ស ៥០,០០០នាក់ទៀត។ ក្នុងចំណោមនោះ មានស្ត្រីមានផ្ទៃពោះ ជនចាស់ជរា ជនពិការ និង ជនដែលងាយរងគ្រោះដទៃទៀត។

Related News